2 - 8 - 1990

من طرف **حنونة** في الإثنين يونيو 23, 2008 5:08 pm

منو ما يذكر هالتاريخ

منو ما يذكر شنو صار فيه !!

اكيد الكل يدري انه تاريخ الغزو عالكويت

والصور فيها نبذة عن اللي سووه و لو انه شوي من المليون

صارلنا 18 سنة و المناهج بالمدارس تتكلم عن هاليوم

هالنقطة السودة اللي بحياة الكويت

الايد اللي انمدت حق العراق و ساعدتهم

خذت الشكر بالغدر و الغزو اللي صار

و ذكرى التحرير و الاستقلال من احلى ايام السنة

واللي الكل ينطره من سنة لي سنة !!

الحين يبون يشيلون التحرير من التاريخ !!

يبون يشيلونه من المناهج !!

يبون يلغون الحدث واللي صار !!

اوكي شيلوه من عقول الياهال ..

بس الابو اللي راح شهيد و الولد اللي راح شهيد و الام والاخت كلهم

منو يرد هذول !!

اذا شلتو هالشي من التاريخ ردو الشهداء عيل !!

ردوا الناس اللي ضحوا عشان تراب الكويت !!

انا صج مادري شلون قرروا انهم يشيلونه !!

كل يوم عن يوم يتخذون قرار سيء الى اسوأ !!!

ولا انتو شرايكم !!